تحكمنيـ قناعتيـ

f6o00oM's profileتحكمنيـ قناعتيـPhotosBlogListsMore

كلمه ولو جبر خاطر


سجل زواري وحبايب قلبي لايردكم الا الكيبورد

اناشيد ترتاح لها نفسي

ياليت تسمعونها


لسوف اعود يا امي قمة الرووووووعه لمااسمعها غصب طيب تدمع عيني

القلب يحزن والمدامع غزيره انتم اسمعوها واحكمو عليها

فرش التراب انشوده تذكر النفس وصاحبها بحقيقه وواقع اسمعوها جد بترتاحون لها

يارجائي العفو منك الهي والذنب مني

الا صلاتي ابدع فيها العفاسي وياليت كل من يرددها يحس بمعانيها

Blog

July 25

عجايز يـمــصــعـن العقل ...

العجايز عليهم سوالف إنما

ايه...رهييييـــبه

عاد انا بصير ذا الحين عجوز وبأحكيلكم بعض من مواقف صارت لعجايز عسل

من قرايبنا

فديتهن انا

العجايز والسوق

هذي عجيز راحت للسوق وادخلت محل واعجبتها قطعه وراحت للمحاسب >>>عاد هنا يبدا شغل المكاسر للحريم

قالت له بكم تعطيني اياها قال :بهالسعر (وحدد لها سعر)

قالت:لا لا ياولدي غاليه .... لازم تراعيني بالسعر انا دايم اجي لعندك و.....

تو بيتكلم الرجال:يبي يقول ....: بس ياخــــ...

ألاّ قاطعته و قالت له من غير لاتبسبس علينا ولاتقاطعني انا كل ماجيت لعندكم اشتري وما اقصر بمحلكم

قال لها :بـس ياخاله حنا دوبنا امس مسويين افتتاح للمحل ..!!!

قالت هاه ...قلتلي كم حسابك ...؟!!!>>>وهقها

كككككككككككـ

عجيز ثانيه رايحه مع بنتها للسوق وبنتها عندها بنت كتكوته وحاطتها بالعربانه وتدفها

كان تجي العجيز وهي يادوووب تدف عمرها وتقول انا بأدف عنك وخري عني وتاخذ العربيه وتدفها الين ما اوصلو عند السلم المتحرك

هنا توهقت خالتنا بالعربيه ...!!!

وتجلس تلف يمين ويسار وتحاول من هنا ومن هنا الين ماركبتها ومشى فيهم السلّم ويوم وصلو لنهاية السلم

كان تعلق العربه مدري وين فمسكينه العجوز وهي تبي تفك العربه ومن غير لامقدمات ولايحزنون كان تلف عبايتها مع السلم وهي تشد عبايتها
والسلم يشد هو الثاني
العجيز المسكينه طوول الوقت وهي تجاهد الين ما اوصلت رقبتها للأرض وهي تسحب وتسحب وبنتها مو عارفه شنو تسوي كان يجي رجال ويسحب العبايه
بقوه فلما قامت المسكينه من الارض وتناظر بشكلها كان تشوف العبايه صارت جاكيــــت كـلها تقطعت

فجات وامسكت بنتها من اذانيها وقالت لها ذا الحين تشترين لي عبايه جديده انتي فاهمه ؟ وبنتك دوري من يدفها غيري ...>>>يه انتي من قالك دفيها من البدايه..

ككككككككككــ

وعجيز ثالثه اسمعو سالفتها بالمستشفى

اقول لكم ذاك اليوم جا ولدها وقال يايمه ترى باكر عندك موعد بالمستشفى فخلك جاهزه

قالتله ان شاءالله ياوليدي

فجا اليوم الثاني وركبت للسياره وودوها للمستشفى

فهناك استلموها وقامو يسحبون فيها من غرفه لغرفه ويسوون لها تحاليل واشعه ومدري شنو

فلما خلصت كل شي جات ودخلت على الدكتور ...

السلام عليكم..

الدكتور وعليكم السلام واخذ ملفها >>مقابله شخصيه حق وظيفه !!!

فلما مسك الدكتور الاشعه جلس يناظر شمال ويمين وفوق وتحت ويقلبها و هو عاقد حواجبه

قال اي ده ..؟!!

عاد هي قامت تناظر فيه وهي خايفه قالت له وش فيه دكتور عسى ماشر

قال خير ان شاءالله خير يا امي..

فراح الرجال يبي يتأكد من نتيجة التحليل شاف كل شي اوكي ورجع ومسك الاشعه بس مو قادر يحدد شي ..!!!

يعني القفص الصدري كله مو باين وكأنه شي كبير كذا مغطيه وخافي معالمه

قال يا امي يمكن اشوي اكشف عليك ....

فلما قرب ورفع الشيله عشان يحط السماعات كان يشوف الطامه الكبرى

تعرفون شنو شاف..؟!!

شافها حاطه كيلو ذهب على صدرها>>>العجيز لابسه ذهب ومتكشخه فيه ورايحه للمستشفى

فعشاان كذا الأشعه ماطلعت واضحه لأنه الذهب مغطي على كل شي

ككككككككككككـــ

فديتهن هالعجايز وحده وحده

وعقبال ما اشوفكم كلكم وانتم عجز وسنونكم كلها طايحه ماعدا

واحد قدام

كككككككككككككك

12:51 AM | Add a comment | Read comments (1) | Permalink | Blog it

July 24

افترقنا انا وحبيبي

كتبت هذي الكلمات لصديقتي وانا اشكي لها الحال

افترقنا انا وحبيبي...

كنت دايم معاه وهو معاي ...علاقتنا ماهي بيوم ولا بيومين ,,علاقتنا مع بعض كانت من يوم كنت صغيره

تخيلي معي للحظه انه ذكرياتنا هي وحده ..نلعب مع بعضنا ..روحاتنا وجياتنا كلها سوا..(كان ظلي وظله واحــــــد )..انا مأكذب عليك انه كانت تصير بينا هوشات فنفترق عن بعضنا
شهور
بس نرجع حبايب لبعض ونصير مثل أول واحسن...بس في آخر سنتين كثير كنت انزعج منه لأتفه الأسباب ((تقولين عين وصادتني )!!!
مع انه وربي كان بالمره فظيع ورهيب معي ..وكان يحبني ويلبيلي كل اللي ابيه واطلبه منه ..يعني بأشاره مني يصعد وينزل فديييييييييييييييته الغالي بعمري كله

....

واسمحيلي اني اقولك كلمة حق لازم تنقال بحقه مو لأني احبه لا ...لأنه هذي هي الحقيقه ..وهي انه كان حلووووو وطويــــــل وهذا بشهادة صديقاتي وحتى خواتي وقريباتي كانت
نظرتهم كلهم وحده له(لأنهم كلهم يعرفونه كويس وكنت زاعجتهم بسوالفي عنه) ..بس انا كنت الوحيده اللي ما كنت شايفه هذا الشي ((بيني وبينك شايفته بس مليت منه ))...
تفداه الدمووووووووووع اللي بكيتها عليه الأسبوع اللي فات..انا اكتبلك ذا الحين وانا اعظ شفتي لأني ندماااااانه من كل قلبي ..وربي كنت قاسيه معه ماكان يستاهل والله ماكان يستاهل اللي سويته
فيه ..

بس خلاص ماعاد ينفع الندم ..لأني حاولت اني ارجعه لي بس ماقدرت ..اصلاً مستحـــــــــيل انه يرجعلي بنفس السهوله اللي تخليت عنه فيها....

يوم فارقته الكل هناني وباركلي بس كانو مستغربين مني كيف هانت علي العشره الطويله اللي اجمعتنا ببعضنا ..

حتى اخوي يوم سمع بالسالفه قام ناظرني بنظره ما ادري شنو قصده فيها .....بس اهم شي انه قالي بأن الوضع الجديد لايق علي ..مع انه هو كمان كان يتمنالي انه اكون دايم الدوووم
مع حبيبي وما افارقه ....

كان حبيبي دوووووووووم ببالي وعلى راسي من فوووووق ..ماكنت انام الليل إلا وانا متطمنه عليه ..وفي كل مناسبه لازم اكون انا بنفسي وبأيديني مسئوله عن شياكته
وحلاوته وماكنت اخليه الا وهو بأحلى شكل ...آآآآآآآآه اقولها من اليوم الين مايرجعلي حبيبي....

انا هو.......وهو انا .....